Олоҥхо күннэрэ

Саха республикатын Ил Дарханын В. А. Штыров уурааҕынан 2005 сыллаахха сэтинньи ый 25 кунэ Олоҥхо күнүнэн биллэриллибитэ.

Олонхо – саха норуотун тылынан уус – уран айымньытын саамай үрдүк чыпчаала, үйэттэн үйэлэр тухары, көлүөнэттэн көлүөнэҕэ бэриллэн иһэр дирин ис хоһоонноох айымньыта буолар.

Биһиги оскуолабытыгар сэтинньи 25 – 30 күннэригэр “Олоҥхо дойдутун о5отобун” диэн олоҥхо нэдиэлэтэ ыытылынна. Олоҥхо нэдиэлэтин чэрчитинэн араас тэрээһиннэр буоллулар.

Ол курдук, олоҥхо нэдиэлэтэ “Олоҥхо – норуот тылын уус уран айымньытын муҥутуур чыпчаала” диэн кылаас чаастартан уонна нэдиэлэни арыйар үөрүүлээх линейкаттан саҕаламмыта. Линейка кэмигэр сахалыы арчы, ыраастаныы сиэрэ-туома ыытылынна. Хомус лынкынас тыаһыгар кылаас салайааччылар, төрөппуттэр астаабыт алгыстаах алаадьыларын о5олорго айах туттулар. Нэдиэлэ устата үөрэнээччилэр уонна учууталлар саха таҥастаах кэлэн үөрэннилэр, үөрэттилэр. Перемена кэмигэр о5олор, учууталлар саха бала5ана фотозона5а үөрэ-көтө хаартыскаҕа түстүлэр. Маны таһынан библиотекарь Харлампьева А.А. “Олонхо оһуордаах дойдута” олоҥхо кинигэлэригэр выставкатын, библиотечнай уруоктары тэрийэн о5олор интэриэстэрин тартта.

Нэдиэлэ иккис күнүгэр уһун перемена кэмигэр оҕолордуун, учууталлардыын улахан заалга мустаммыт фольклор  куруьуогун салайааччыта Корякина Н.Ю, хореограф  Прокопьева Л.И., организатор Афанасьева А.Е көҕүлээһиннэринэн оһуокай оһуордаах үҥкүүтэ дуораһыйда.

Нэдиэлэ үһүс күнүгэр “Дуораан” фольклорнай ансаамбыл уһуйуллааччылара Виолетта Алексеева 3 б кылаас, Айастаан Алексеев 2 а кылаас  “Күөнэ кө5өччөр аттаах Күн Күндүлү Бухатыыр” олоҥхоттон быһа тардан үөрэнээччилэр иннилэригэр толордулар, итини таһынан олоҥхо викториналара, олоҥхо геройдарыгар куукулалар выставкалара тэрилиннэ уонна Саха сирин народнай артыыьа Г. Колесов “Дьулуруйар Ньургун Боотур” олоҥхотун диискэттэн иһиттилэр.  Викторина5а саамай элбэх билиилээх Николаева Сайаана 4 б, Степанов Артур 1 б, Алексеева Виолетта 3в кылаас үөрэнээччилэрэ буоллулар.

Нэдиэлэ төрдүс күнүгэр физкультура учууталлара Петрова Н.А., Никифоров А.Н кө5үлээһиннэринэн “Өбүгэ оонньууларыгар” биирдиилээн о5олор күрэс былдьастылар.

Бээтинсэ күн 1-2 кылаас о5олоругар ыытыллыбыт “Олонхо оҕо хараҕынан” уруьуй күрэ5ин түмүгүн таһаардылар:

1 м – Максимова Анита 1г, Александрова Лилия 1в

2 м –Новикова Дарина 1г, Титов Марик 1д, Каратаева Сандаара 1б

3м – Алексеева Кыыдаана 1в, Ботуева Настя, Рехлясова Сайыына 1б

1 м – Харлампьев Алмаз 2 в, Константинов Максим 2а

2 м – Степанова Милана 2г, Григорьева Камилла 2а

3 м – Васильев Андриян 2 в, Егоров Леня 2в

Кырачааннар талааннаах, баай фантазиялаах, дирин ис  хоһоонноох уруһуйдара коридор устун ыйаннылар, дьон-сэргэ кэрэхсэбилин ыллылар.

Нэдиэлэни түмүктүүр күн эмиэ бэрт сэргэхтик ааста. Хомус күнүгэр анаан бу күн бары үөрэнээччилэр уонна учууталлар хомус ойуутун таһааран күргүөм хомуска көхтөөхтүк кытыннылар. 3-4 кылаастарга икки хамаанданан төрөппүт уонна о5о кыттыылаах “ТОК” Олонхо оонньуута ыытылынна. 1м – 4 кылаас хамаандата (Кузнецова Алгыстаана 4в кылаас ийэтинээн Кузнецова А.А., Николаева Сайаана 4 б кылаас ийэтинээн Николаева М.С, Буслаева Сайаана-Куо 4а кылаас эьэтинээн Седалищев Д. С), 2 м – 3 кылаас хамаандата (Тутукаров Дамир 3а кылаас ийэтинээн Тутукарова В.В , Львов Ян 3в кылаас ийэтинээн Львова Т.А., Васильева Иванна 3б, Варварикова В.Р.) ситистилэр.

Олонхо норуот сиэрэ, өйө-санаата, майгыта-сигилитэ иитиллэр, уран тыла чочуллар дьиннээх кыһата буоларын умнубакка, сүдү айымньыбытын кэнчээри ыччаттарбытыгар үөрэтэ-өйдөтө сылдьыах тустаахпыт!

Корякина Надежда Юрьевна – Эрэллээнэ,

фольклор куруьуогун салайааччыта